S is wieda Zait, dass ma d Lait zaummruafan. S Laund und da Hümme ruafan uns. De Großoatichkait vo d Beag, de tiafe Scheenhait von Woed und d Waitn vom Mea ziangt uns au. De tiafn Wuazln, de uns mit unsane Auhnan vabintn, woatn drauf, dass ma s wieda entdeckn. De Zait von oedn Weg faungt au; de Zait, wo dea Weg in d Heazn vo d Mauna und d Waiba neich entschtät. Vasaummäts eng, damit mae n Haumma von Nordn neich schmiadn. Es gibt vü Weg. Da Eldaring (The Troth) biet an Haufn vo Wegwaisa und Staig zu de oidn God, wai des Wesn von eahna is vüföittich.

Mia erwoatn von olle, de zu uns kemman, dasses weng da Religjohn und Kuitua toan und an jedn aundan reschbektian, dea des genauso tau hot. Dass wea de Gemainschoft do, iahre Publikazjohnan oda Aktiwitätn fia an politischn oda rassistischn Schoas vawändt, loss ma uns af koan Foe gfoen.

en Sinn noch aus IDUNNA (Asfrid)

Info zan Nauman "Eldaring":
"Eldr" hoaßt af Oidnoadisch "Faia" mid vü Bedaitungan. "Elda" is da zwoate Foe Meahzoe, des hoaßt dass ma "Eldaring" mid "Ring vo Faia" oda aa "Faiaring" ibasetzn kau. Gmoant is a Zaumschluss vo d "Headfaia". Gaunz streng gnumma miassats natirli "Elda Hringr" oda "Hringr Elda" hoaßn (i moan sogoa "Hringr Eldana", mitn Artücke nämli), oba ma soettat des Wuatt jo aa af Daitsch sogn kinna und es soettat aungenehm klinga.