Es is wieda aun da Zeid, de Leit zum vasaummln. Mia wean gruafn vom Laund und vom Himme. Auzogn vo da Majestät von de Berg, da tiafn Scheeheid von de Wöäda und da Weidn vom Meah. De tiafn Wuazln, de uns mit unsare Ahnan vabindn, woatn drauf, daß ma's widaentdeckn. De Zeid vom oidn Weg geht aun, de Zeid wo dea Weg in de Heazn von de Mauna und Weiba neich entsteaht. Vasaummlts enk, damit ma in Haumma vom Nordn neich schmiedn kennan. Es gibt vü Weg. Da Öädaring (The Troth) zaagt uns a massa Wegweisa und Steig zu de oidn Götta und Göttinnen, denn eahna Wesn is vüfötig.

Mia eawoatn vo olle, de wos zu uns kumman, das se des aus religiöse und kulturelle Grüind mochn und an jedn aundaren reschpektiean, der wos des aus desöm Beweggrüind gmocht hot. Wea de Gemeinschoft, ihre Publikatiounen oda Aktivitätn fia politische oda rassistische Sochn ausnutzt wiad ausseghaud.

Sinngemäß aus da IDUNNA (kautz)

Eaklärung vom Nauman (wos haaßt Öädaring):
"Eldr" haaßt im Oidnordischn "Feia" in vüla Hinsicht. "Elda" is de Meahzohi, so daß ma sogn kaunn, Eldaring haaßt "Ring da Feia", oda "Feiaring". Mit den "Feiaring" is a Zusammanschluß von de "Headfeia" gmant (de Feia wo d' Leit beianaunda sitzn). Woitat ma gaunz streng sei, miaßat's natirlich Elda Hringr oda Hringr Elda haaßn, oba des Wurt soitat ma jo a sogn kennan, ohne daß ma an si an Knopf in de Zungan mocht und guat auhearn soi sa si ah.